Saturday, 16 February 2019

ഫീൽ ഗുഡ് എന്നൊക്കെ പറഞ്ഞാൽ അതിന്റെ അങ്ങേയറ്റം

#june
Language : malayalam
Running time : 141 minute
Genre : Drama

കുമ്പളങ്ങിക്ക് ശേഷം നല്ലൊരു ഫീൽ ഗുഡ് ചിത്രം കണ്ട സന്തോഷം,  ഫീൽ ഗുഡ് എന്നൊക്കെ പറഞ്ഞാൽ അതിന്റെ അങ്ങേയറ്റം,

പൂർണമായും ഒരു സ്ത്രീയുടെ കാഴ്ച്ചപാടിൽ നിന്നുകൊണ്ടുള്ള ചിത്രീകരണമാണ് നവാഗതനായ അഹമ്മദ് കബീർ ഒരുക്കിയ ജൂൺ, സ്ത്രീപക്ഷം എന്നാൽ അതൊരിക്കലും പുരുഷനെ അടിച്ചമർത്തൽ അല്ലെന്നു ഒരിക്കൽ കൂടി തെളിയിക്കുകയാണ് ജൂൺ എന്ന സിനിമയിലൂടെ....

2006 ജൂൺ 1 ന് ജൂൺ എന്ന പെൺകുട്ടി  പ്ലസ് വണ്ണിൽ ചേരുന്നത് മുതൽ, വർത്തമാന കാലഘട്ടത്തിൽ അവളുടെ  വിവാഹം കഴിയുന്നത് വരെയുള്ള കേവലസാധാരണമായ ജീവിതസന്ദർഭങ്ങളാണ് ചിത്രം പങ്കുവയ്ക്കുന്നത് ...

വളരെ നന്നായി ഒരു നിമിഷം പോലും ലാഗ് തോന്നിക്കാത്ത  വിധമുള്ള മേക്കിങ് തന്നെയാണ് ചിത്രത്തിന്റെ വിജയം,

ആദ്യപകുതിയുടെ അതെ ഫീൽ തന്നെ രണ്ടാംപകുതിക്കും തരാൻ സാധച്ചതു ചിത്രത്തിന്റെ ഏറ്റവും വലിയ സവിശേഷതകളിൽ ഒന്ന്,  ഒരുപക്ഷെ അതിനുമുകളിൽ പറഞ്ഞറിയിക്കാനാവാത്ത അനുഭൂതിയാണ്‌  ക്ലൈമാക്സിൽ ചിത്രം നമുക്ക് തരുന്നത്...

രഞ്ജിഷ വിജയൻ:-  മൂന്ന് കാലഘട്ടത്തിൽ ഏതു രീതിയിൽ എങ്ങനെ അഭിനയിക്കണമെന്ന് വളരെ ഭംഗിയായി കാണിച്ചുതന്നു,  പ്രേത്യേകിച്ചു  +2 ജീവിതത്തിലെ കുട്ടിത്തം മാറാത്ത കഥാപാത്രം വളരെ തന്മയത്തത്തോടെ ചെയ്തു ഭലിപ്പിച്ചു, ഒരുപാട് സിനിമകളിൽ ഓടി നടന്നു അഭിനയിക്കുന്നതിലല്ല കാര്യമെന്ന് ഒരിക്കൽ കൂടി തെളിയിക്കുകയാണ് രെഞ്ജിഷ

പ്ലസ് ടു, കാലഘട്ടത്തിൽ അഭിനയിച്ച (പേര് എല്ലാരുടെയും അറിയില്ല ) എല്ലാവരും തന്നെ മികച്ച അഭിനയമാണ്  കാഴ്ചവെച്ചത്, പെർഫെക്ട് കാസ്റ്റിംഗ് ഏതർത്ഥത്തിലും വിജയിച്ചു എന്നു വേണം പറയാൻ...അജു വർഗീസും, ജോജോയും, അർജുൻ അശോകനും, എല്ലാവരും തന്നെ അവരുടെ കഥാപാത്രം മികച്ചതാക്കി ,

ഛായാഗ്രാഹകൻ ജിതിൻ ഒരുക്കിയ ക്യാമറ കണ്ണുകൾ, പ്രേക്ഷകരുടെ കണ്ണുകളിലൂടെയാണ്‌ കടന്നുപോയെന്നു പറയാം, ജൂണിലെ മഴയും, KSRTC ബസ്സിലെ യാത്രയും, കടൽ തീരത്തുള്ള സീനുകളും അദ്ദേഹത്തിന്റെ കഴിവ് തെളിയിക്കുന്നു...

ഇഫ്തിയുടെ ഗാനങ്ങളും പ്രേക്ഷകർക്ക് സൗഹൃദത്തിന്റെയും പ്രണയത്തിന്റെയും അതെ ഫീൽ തന്നെ സമ്മാനിച്ചു, പ്രേത്യേകിച്ചു ക്ലൈമാക്സിലെ സീനുകളോട് ഫീലിംഗ് ഇരട്ടിയാക്കിയതിൽ  പ്രധാന പങ്ക് വഹിച്ചു ഇഫ്തിയുടെ ഈണങ്ങൾ...

ഫ്രൈഡേ ഫിലം ഹൌസ് ഇത്തവണയും ഒരുപിടി കഴിവുള്ള പുതുമുഖങ്ങളെ സ്ക്രീനിലും പിന്നണിയിലും അവതരിപ്പിച്ചപ്പോൾ ഉണ്ടായതു,മലയാള സിനിമയിലെ മറ്റൊരു മൈൽ സ്റ്റോൺ. പ്രേമേയത്തിലും, ആഖ്യാനത്തിലും, അവതരണത്തിലും,  ചിത്രം തരുന്ന ഫീൽ വാക്കുകൾക്കതീതം...

ഇന്നു ചങ്ങനാശ്ശേരി രമ്യയിൽ തിയേറ്ററിൽ സിനിമ കാണുമ്പോൾ സ്ത്രീകളായിരുന്നു പുരുഷന്മാരേക്കാൾ കൂടുതൽ, പ്രത്യേകിച്ചും പെൺകുട്ടികൾ. നല്ല റെസ്പോൺസ് ആയിരുന്നു തീയേറ്ററിൽ. ആ ഒരു വൈബ് ആസ്വാദനം കുറച്ചുകൂടെ മികച്ചതാക്കി...

അഭിനന്ദനങ്ങൾ അഹമ്മദ് കബീർ & ടീം

Rating : 4/5

Thursday, 14 February 2019

ആത്മാർത്ഥ സുഹൃത്തിനോട് ഒരു നിമിഷമെങ്കിലും പ്രണയം തോന്നില്ലേ?

#Oru adaaru love
Language : malayalam
Running time : 145 minute 
Genre : Romance, comedy

ആത്മാർത്ഥ സുഹൃത്തിനോട് ഒരു നിമിഷമെങ്കിലും പ്രണയം തോന്നില്ലേ? ഈ വൺ ലൈൻ തന്നെയാണ് ചിത്രത്തിന്റെ ഇതിവൃത്തം, അത് ഒമർ ലുലു എന്ന അഡാറു സംവിധായന്റെ സ്റ്റൈലിൽ പ്രേക്ഷകർക്ക് മുമ്പിൽ എത്തിചിരിക്കുന്നു

കുറച്ചധികം പുതുമുഖ കഥാപാത്രങ്ങളെ കോർത്തിണക്കിയാണ്  ചിത്രത്തിന്റെ കഥ മുന്നോട്ടു പോകുന്നത്, പ്ലസ് ടു കാലഘട്ട പശ്ചാത്തലത്തിൽ  പരസപരം അസ്ഥിരമായി കിടക്കുന്ന പ്രണയവും സൗഹൃദവുമാണ് ചിത്രം നമ്മളോട് പങ്കുവയ്ക്കുന്നത്

ആദ്യ പകുതി നർമ്മത്തിനു പ്രാധാന്യം കൊടുക്കുന്നു. നമ്മൾ സ്കൂളിൽ പറഞ്ഞു ചിരിക്കുന്ന തമാശകളുടെ  തനിയാവർത്തനം ചില സീൻകളിൽ വന്നുപോകുന്നുണ്ട്, പക്ഷെ ചിലതൊക്കെ ഞാനും കൂടെ പടം കണ്ടവരും സ്കൂളിൽ അനുഭവിക്കാത്തതിനാൽ കുറേയധികൾ ചിരികൾ  ആദ്യപകുതിയെ സമ്പന്നമാക്കി. സ്കൂൾ ജീവിതത്തിലെ ചാടി വീണു വളച്ചെടുക്കൽ എന്ന പരുപാടി വളരെ കൃത്യമായി ഫ്രഷേഴ്‌സ് ഡേയോട് കൂടി തുടങ്ങുന്നു, ഏതാണ്ട് മുക്കാൽ പങ്കും സ്കൂളിൽ ചിത്രീകരിച്ച ആദ്യപകുതി നല്ലതും, നിലവാരമില്ലാത്ത തമാശകാളാലും ഒരുവിധം രസകരമാക്കി എന്ന് പറയാം

" കോക്കോ 3 ( ഓർത്തിരിക്കുന്ന ഒരു നർമ്മം ) "

എല്ലാ സ്കൂളിലും കോളേജിലും കാണുന്നപോലെയുള്ള ഒരു ഹതഭാഗ്യവാനായ നായകനായി മാറുകയാണ് റോഷൻ രണ്ടാം പകുതിയിൽ, ഇന്നത്തെ സമൂഹത്തിൽ കണ്ടുവരുന്ന ഒരു പ്ലോട്ട് ആയതിനാൽ എനിക്ക് യാതൊരു അസ്വാഭാവികതയും തോന്നിയില്ല,

തുടക്കം മുതലുള്ള സ്ക്രീൻ പ്രെസെൻസ്കൊണ്ടു ത്രസിപ്പിച്ച ഗാഥാ (നൂറിൻ) തന്റെ കഥാപാത്രം വൃത്തിയായി ചെയ്തു, (യാതൊരു ബഹളങ്ങളുമില്ലതെ...) ബാക്കി ഉള്ളവർ നല്ല രീതിയിൽ തന്നെ മെച്ചപ്പെടാനുണ്ടെന്നു ചിത്രം കാണുന്നവർക് മനസിലാക്കും, പുതുമുഖങ്ങൾ ആയതുകൊണ്ടു ഇത് അടിസ്ഥനരഹിതമാണ്‌  എന്നിരുന്നാലും ചില സീനുകൾ നല്ല ബോറിങ് ഫീൽ ചെയ്തു,  റോഷൻ ക്ലൈമാക്സ്‌ ഒരു പുതുമുഖമെന്ന നിലക്ക് നല്ല അഭിനയ പ്രകടനം, പ്രിയ ( ഞാൻ ഒന്നും പറയുന്നില്ല, കണ്ടറിയുക )

എടുത്തുപറയേണ്ടത് ഷാൻ റഹ്മാന്റെ സംഗീതമാണ്, ഇല്ലിക്കൽ കല്ലിന്റെ മനോഹാരിതയിൽ അവസാനത്തെ ആ ഗാനവും, സീനുകളും നല്ല രീതിയിൽ തന്നെ ഫീലിംസ് ഉണ്ടാക്കുവാൻ സാധിച്ചു, ഛായാഗ്രഹണവും, എഡിറ്റിംഗും അതിന്റെതായ നീതി പുലർത്തിയിട്ടുണ്ട്, ക്ലൈമാക്സ്‌ സീനിലെ ക്യാമറ കണ്ണുകൾ എടുത്തുപറയേണ്ടതാണ്...

മണിച്ചേട്ടന്റെ ഓർമ പുതുക്കിയത് ഒരുപാട് സന്തോഷം ഉണ്ടാക്കി, ഹരീഷ് കണാരൻ തന്റെ കഥാപാത്രം അസലാക്കി. സലിംകുമാർ, സിദ്ധിക്ക് ഇക്ക ഒക്കെ വന്നുപോകുന്നുണ്ടെകിലും അതെല്ലാം പ്രോഗ്രസിങ്ങിൽ കൂട്ടിച്ചേർത്ത സ്‌പൈസ് പോലെ തോന്നിപോയി...

നൂറിൻ ഗാഥയായി മിന്നിത്തിളങ്ങി നൊമ്പരകടലിൽ ആഴ്ത്തുമ്പോൾ എവിടെയാ ചിത്രത്തിനോട് ഇഷ്ടം തോന്നുന്നു, കൈലൊളിപ്പിച്ച മോതിരം നിലത്തു വീഴുമ്പോൾ എവിടെ, എപ്പോളായിരുന്നു ട്രൂ ഒമർ ലവ് എന്ന് വെളിവാക്കി,

നല്ല ഒരു സന്ദേശം, കുറച്ചു മസാല ചേർത്തെന്നു ഒഴിച്ചാൽ ചിത്രം നല്ല രീതിയിൽ ഇഷ്ടപ്പെട്ടു, (അഭിപ്രായം തികച്ചും വ്യക്തിപരം)

റേറ്റിംഗ് : 2.5/5

Friday, 8 February 2019

#Kumbalangi nights
Language : Malayalam
Running time : 135 minute
Genre : Comedy Drama

ഒറ്റവാക്കിൽ പറഞ്ഞാൽ ഗംഭീര ചിത്രം. ഒരുപാട് ചിരിക്കാനും വേണമെങ്കിൽ കുറച്ചു അധികം ചിന്തിക്കാനുമുള്ള 135മിനിറ്റുള്ള  പച്ചയായ ജീവിതനിമിഷങ്ങൾ , മധു സി നാരായണന്റെ ഡയറകഷനിൽ ശ്യാം പുഷ്കർ എന്ന അസാധ്യ മനുഷ്യന്റെ തൂലികയിൽ, വളരെ കുറച്ചു കഥാപാത്രങ്ങളെ മാത്രം ഉൾകൊള്ളിച്ചു ഷൈജു ഖാലിദ്ന്റെ ക്യാമറകണ്ണുകളിൽ പിറന്ന അത്ഭുത സൃഷ്ടിയാണ് കുമ്പളങ്ങി നൈറ്റ്സ് , പാര്യമ്പര്യ സിനിമ ശൈലികളെ അടിമുടി മാറ്റി പുനർസൃഷ്ട്ടിച്ച ഗംഭീര എഴുതു തന്നെയാണ് ചിത്രത്തിന്റെ വിജയം. 

മനുഷ്യൻ മനുഷ്യനെ തിരിച്ചറിയുന്നതും സ്നേഹിക്കുന്നതുമാണ് ഏറ്റവും വലിയ സംസ്കാരമെന്ന് ഊഷ്മളമായി ഓർമപ്പെടുത്തുമ്പോൾ കുമ്പളങ്ങിയിലെ രാവുകൾക്ക് പകലിന്റെ വല്ലാത്തൊരു വെളിച്ചമുള്ളത്  പോലെ തോന്നി

സ്വന്തം കാര്യം നോക്കി തന്നിഷ്ടപ്രകാരം ജീവിക്കുന്ന കുമ്പളങ്ങി എന്ന സ്ഥലത്തെ, നാല് സഹോദരങ്ങളും  അവർ അഭിമുഖീകരിക്കേണ്ടി വരുന്ന ജീവിത പ്രശ്ങ്ങളുമാണ് ചിത്രത്തിന്റെ കഥാതന്തു 

ചിത്രം കണ്ടു തുടങ്ങുമ്പോൾ, സൗബിൻ അവതരിപ്പിച്ച 'സജി' എന്ന കഥാപാത്രം മികച്ചതായി തോന്നിയേക്കാം, എന്നാൽ ചിത്രം അവസാനിക്കുമ്പോൾ എല്ലാവരും തന്നെ മികച്ച കഥാപത്രമായി മാറുന്ന കാഴ്ചയാണ് കണ്ടത്, എടുത്തു പറയേണ്ടത് ഫഹദ് ന്റെ 'ഷമ്മി' എന്ന കഥാപാത്രമാണ്, കരിയറിൽ ഇത്ര ഉയരത്തിൽ എത്തി നിന്നിട്ടും അദ്ദേഹം ഈ കഥാപാത്രം ചെയ്യാൻ കാണിച്ച ആ ധൈര്യത്തിനു  ഗംഭീര കയ്യടി അർഹിക്കുന്നു,  നെഗറ്റീവ് ഷേഡ് ഉള്ള കഥാപാത്രങ്ങൾ ഫഹദ് മുമ്പും  ചെയ്തിട്ടുണ്ടെങ്കിലും അതുമായി യാതൊരു സാമ്യവും തോന്നിക്കില്ല ഷമ്മിക്കു,
'ഫഹദ് ഫാസിൽ ഭാവങ്ങൾ' എന്ന ഗണത്തിൽ പെടുത്താൻ ഉതകുന്ന മറ്റൊരു മൈൽ സ്റ്റോൺ ആണ് 'ഷമ്മി '...ഷൈന്റെ 'ബോബിയും' ഭാസിടെ ബോണിയും (കുറച്ചുകൂടി സ്‌പേസ് കൊടുക്കാമെന്നു തോന്നിപോയി )  അന്നയുടെ ബേബിമോളും ഉൾപ്പെടെ എല്ലാവരും തന്നെ കയ്യടി അർഹിക്കുന്ന അഭിനയ പ്രകടനമാണ് കാഴ്ചവെച്ചത്

ഷൈജു ഖാലിദ് ന്റെ ഫ്രയിംകൾ വാക്കുകൾക് അതീതം...അത്രക്കും മനോഹരമായിരുന്നു കുമ്പളങ്ങിയിലെ കാഴ്ചകൾ, ശുഷിൻ ശ്യാമിന്റെ ഗാനങ്ങൾ കുമ്പളങ്ങിയെ  ആഴത്തിൽ സ്പർശിക്കുന്നതായിരുന്നു, ഷൈജു ശ്രീധരന്റെ ചിത്രസംയോജനവും വളരെ മികച്ചു നിന്നു 

കണ്ണുകൊണ്ടല്ല പ്രണയിക്കേണ്ടതെന്നും  "യേശു നമുക്ക് അറിയാത്ത ആളൊന്നുമല്ലല്ലോ" എന്ന് പറഞ്ഞ് മതത്തിന് മുകളിൽ മനുഷ്യത്വം ഉയർത്തിപിടിച്ചതിനും, കറുത്തവനെ കോമാളിയാക്കാത്തതിനും, എങ്ങനത്തെ ചേട്ടനായാലും എടീ, പോടീ എന്ന് വിളിക്കണ്ടെന്ന് പറഞ്ഞ് ആണാധിപത്യത്തിന്റെ മുനയൊടിച്ചതിനും, സാഹോദര്യത്തിന്റെ ഫോർമുല മാറ്റിയതിനും, പല തന്ത പ്രയോഗം പ്രഥമ ദൃഷ്ടിയിൽ ശുദ്ധ മണ്ടത്തരം ആണെന്ന് പറഞ്ഞതിനും, മലയാള സിനിമയിൽ ആശയദാരിദ്ര്യമില്ലെന്ന് ഉറക്കെ വിളിച്ച് പറഞ്ഞതിനും, ഇങ്ങനൊരു സിനിമ തന്നതിനും 
സിനിമ മനസ്സിൽ ജീവിക്കേണ്ടതാണെന്ന് ഒരിക്കൽ കൂടി ഓർമ്മിപ്പിച്ചതിനും...ഒരുപാട് നന്ദി ശ്യാം പുഷ്‌കർ & മധു സി നാരായണൻ